ఉరుకులు పరుగుల ప్రస్తుత కాలంలో కొలెస్ట్రాల్ సమస్య సైలెంట్ కిల్లర్‌గా మారుతోంది.. శరీరంలో కొలెస్ట్రాల్ పరిమాణం పెరగడం వల్ల చాలా మంది ఊబకాయంతోపాటు.. గుండె సమస్యల బారిన పడుతున్నారు. అంతేకాకుండా హై కొలెస్ట్రాల్ వల్ల పలు రకాల అనారోగ్య సమస్యలు కూడా వెంటాడుతాయని వైద్యనిపుణులు హెచ్చరిస్తున్నారు. వాస్తవానికి మన శరీరానికి మంచి కొలెస్ట్రాల్ చాలా ముఖ్యం.. ఇది ఆరోగ్యకరమైన కణాల ఏర్పాటుకు సహాయపడుతుంది.. కానీ చెడు కొలెస్ట్రాల్ ఎక్కువగా పెరిగితే అధిక బిపి, గుండెపోటు, కొరోనరీ ఆర్టరీ వ్యాధి, ట్రిపుల్ వాస్కులర్ వ్యాధి వంటి అనేక వ్యాధుల ప్రమాదం తలెత్తుతుంది. అయితే.. శరీరంలో చెడు కొలెస్ట్రాల్ స్థాయి పెరిగినప్పుడు, అది గుండె ఆరోగ్యానికి అస్సలు మంచిది కాదు, అటువంటి పరిస్థితిలో మీరు ఆరోగ్యకరమైన ఆహారాన్ని మాత్రమే తినడం చాలా మంచిది.
ఇలాంటి పరిస్థితుల్లో ఈ 4 ఆహారాలకు దూరంగా ఉండాలని వైద్య నిపుణులు సూచిస్తున్నారు. శరీరంలోని చెడు కొలెస్ట్రాల్ స్థాయిని తగ్గించుకోవాలనుకుంటే, ట్రాన్స్ ఫ్యాట్ ఉన్న ఆహారాలకు దూరంగా ఉండాలి. ఇది మన ఆరోగ్యానికి చాలా హానికరం.. అందుకే వైద్యులు దీనిని నివారించమని సలహా ఇస్తున్నారు.
ఈ 4 అనారోగ్యకరమైన ఆహారాలకు దూరంగా ఉండండి..
బిస్కెట్లు: బిస్కెట్లు తినడం వల్ల కొలెస్ట్రాల్ కు సంబంధం లేదని చాలా మందికి ఒక అపోహ ఉంది. చాలా కుకీలలో ట్రాన్స్ ఫ్యాట్ ఉంటుంది.. ఇది ఆరోగ్యానికి అస్సలు మంచిది కాదు.. ముఖ్యంగా స్వీట్లు, సంతృప్త వెన్నతో చేసిన బిస్కెట్లు తినకుండా మిమ్మల్ని, మీ కుటుంబాన్ని రక్షించుకోండి.
ఘనీభవించిన ఆహారం: నేడు టెక్నాలజీ చాలా అభివృద్ధి చెందింది.. అటువంటి పరిస్థితిలో ఫ్రోజెన్ ఫుడ్ ట్రెండ్ గతంలో కంటే ఎక్కువగా పెరిగింది.. మీరు మార్కెట్ నుండి అలాంటి ఆహార పదార్థాలను కొనుగోలు చేసినప్పుడల్లా వాటి ప్యాకెట్లలో ట్రాన్స్ ఫ్యాట్ స్థాయిని ఖచ్చితంగా తనిఖీ చేయండి. అన్నిటికంటే ఉత్తమమైన విషయం ఏమిటంటే మీరు ఇంట్లో తాజా ఆహారాన్ని వండుకోవడం..
కేక్: మీరు ప్యాక్ చేసిన చాలా కేక్ ప్యాకెట్లను చూస్తే, ‘జీరో ట్రాన్స్ ఫ్యాట్’ అని రాసి ఉంటుంది. కానీ వాస్తవానికి పరిమాణం 0.5 గ్రాములు కాబట్టి.. ఇది కస్టమర్లను మోసం చేస్తుంది. మీరు దాదాపు 2 గ్రాముల ట్రాన్స్ ఫ్యాట్ తింటే, అది చక్కెర తినడం వల్ల మీకు అంతే కేలరీలను ఇస్తుంది.. దీంతో మీ కొలెస్ట్రాల్ పరిమాణం మరింత పెరుగుతుంది.
ఫ్రెంచ్ ఫ్రైస్: మనలో చాలా మందికి ఫ్రెంచ్ ఫ్రైస్ అంటే చాలా ఇష్టం. దీని రుచి చాలా మందిని ఆకర్షిస్తుంది.. కానీ దానిని వేయించడానికి హైడ్రోజనేటెడ్ కొవ్వును ఉపయోగిస్తారు, ఇది కొలెస్ట్రాల్ స్థాయిని పెంచుతుంది.
అందుకే.. ఇలాంటి ఆహార పదార్థాలకు దూరంగా ఉండాలని వైద్య నిపుణులు చెబుతున్నారు.
మరిన్ని హెల్త్ వార్తల కోసం ఇక్కడ క్లిక్ చేయండి..