ఫారియా అబ్దుల్లా 1998 మే 28న హైదరాబాద్, తెలంగాణ, భారతదేశంలో జన్మించింది. మోడల్ గా కెరీర్ మొదలు పెట్టిన ఈ బ్యూటీ హీరోయిన్ గా రాణిస్తుంది. హిందీ-ఉర్దూ మాట్లాడే ముస్లిం కుటుంబానికి చెందినది. ఆమె తండ్రి సంజయ్ అబ్దుల్లా ఒక వ్యాపారవేత్త, తల్లి కౌసర్ సుల్తానా గృహిణి. ఆమెకు ఇనాయ అబ్దుల్లా అనే సోదరి ఉంది.
హైదరాబాద్‌లోని మెరిడియన్ స్కూల్ మరియు భవన్స్ అట్మకూరి రామారావు స్కూల్‌లో చదువుకుంది. ఆమె లొయోలా అకాడమీ డిగ్రీ మరియు పీజీ కాలేజీ నుండి మాస్ కమ్యూనికేషన్‌లో డిగ్రీ పూర్తి చేసింది.
ఫారియా చిన్నతనం నుండే డాన్స్ పట్ల ఆసక్తి కలిగి ఉంది. ఆమె హైదరాబాద్‌లో శియామక్ దావర్ నృత్య తరగతులలో చేరింది. కథక్, స్ట్రీట్ హిప్-హాప్, హౌస్, వాకింగ్, బెల్లీ డాన్స్ వంటి వివిధ నృత్య రూపాలలో శిక్షణ పొందింది.
ఫారియా హైదరాబాద్‌లో సమహారా వీకెండ్ థియేటర్ వర్క్‌షాప్, కిస్సాగో థియేటర్ అండ్ ఫిల్మ్ ప్రొడక్షన్స్, నిషుంబిత బ్యాలెట్ అండ్ థియేటర్ గ్రూప్ వంటి ప్రముఖ థియేటర్ గ్రూప్‌లతో కలిసి 50కి పైగా తెలుగు భాషా రంగస్థల ప్రదర్శనలలో పాల్గొంది.c
ఫారియా 2021లో “జాతిరత్నాలు” అనే తెలుగు కామెడీ చిత్రంతో సినీరంగ ప్రవేశం చేసింది, ఇందులో ఆమె నవీన్ పోలిశెట్టితో కలిసి నటించింది. ఈ చిత్రం బాక్సాఫీస్ వద్ద బ్లాక్‌బస్టర్ హిట్ అయింది. ఈ పాత్ర కోసం ఆమె SIIMA అవార్డు కోసం ఉత్తమ తొలి నటి (తెలుగు)గా నామినేట్ అయింది. ఆమె ఈ చిత్రం కోసం రెండేళ్లపాటు తెలుగు నేర్చుకుని, స్వయంగా డబ్బింగ్ చేసింది.